У Карэлічах адкрыўся фестываль праваслаўнай культуры “Кладезь”, арганізаваны сёстрамі мінскага Свята-Елісавецінскага манастыра
Благачынны цэркваў Карэліцкай акругі протаіерэй Мікалай Орса адслужыў малебен перад пачаткам усякай добрай справы.
Праваслаўная выстава-кірмаш “Кладезь” будзе працаваць у райцэнтры бліз Карэліцкага раённага Цэнтра культуры і народнай творчасці (былы раённы Дом культуры) з 2 па 10 ліпеня ўключна з 10.00 да 19.00. Уваход на ўсе мерапрыемствы вольны.
На фестывалі шырока прадстаўлены вырабы мастацкіх майстэрняў Свята-Елісавецінскага манастыра, мёд, іконы, духоўныя кнігі, сувеніры ручной работы, травяныя зборы. Ідзе гандаль керамічным посудам з белай гліны. 3 ліпеня ў павільёнах кірмашу можна будзе набыць манастырскі хлеб.
Увазе жыхарам раёна сёстры прапануюць пастаноўку батлеечнага тэатру “Нябесны госць”.