Тэатральны лістапад адкрывае Сёмы Рэспубліканскі фестываль нацыянальнай драматургіі імя В.І. Дуніна-Марцінкевіча
Сёмы Рэспубліканскі фестываль нацыянальнай драматургіі імя В.І. Дуніна-Марцінкевіча пройдзе ў горадзе Бабруйску з 1 па 6 лістапада.
Фота: bobrlife.by
Да ўдзелу ў тэатральным форуме запрошаны прафесійныя тэатральныя калектывы, у тым ліку і замежныя. Адметнасць фестывалю ў тым, што яго праграма складаецца выключна з твораў беларускіх аўтараў.
У конкурсе прымуць удзел 12 спектакляў з 11 тэатраў. Спектаклі будуць прадстаўлены ў конкурснай праграме «Спектакль тэатра драмы».
Традыцыйна праграма фестывалю ўключыць у сябе творчую лабараторыю — чыткі п’ес, лекцыі і прэзентацыі — пры падтрымцы Цэнтра беларускай драматургіі і Цэнтра эксперыментальнай рэжысуры.
Творчая лабараторыя садзейнічае пошуку новых маладых таленавітых аўтараў у розных жанрах тэатральнага мастацтва, папулярызацыі твораў беларускіх драматургаў у краіне і за яе межамі, прыцягненню ўвагі да творчасці айчынных аўтараў, расшырэнню рэпертуарнай палітры маладых выканаўцаў.
? У фестывалі прымуць удзел:
✨ 1) Дзяржаўная ўстанова «Нацыянальны акадэмічны драматычны тэаі імя Якуба Коласа» (г. Віцебск)
«Сымон-музыка»
Аўтар — Я.Колас
Рэжысёр-пастаноўшчык — М. Краснабаеў
✨ 2) Дзяржаўная ўстанова «Гомельскі гарадскі моладзевы тэатр»
«Ляцелі арэлі»
Аўтар — К.Сцешык
Рэжысёр-пастаноўшчык — Д. Паршын
✨ 3) ГУКСТ «Нацыянальны цэнтр сучасных мастацтваў Рэспубліі Беларусь» (г. Мінск)
«Музыка вуліц»
Па аднаіменнай п’есе К.Рыбак
Рэжысёр-пастаноўшчык — К. Рыбак
✨ 4) Цэнтр візуальных і выканальніцкіх мастацтваў «APT Карпарэйшн» (г. Мінск)
«Опіюм»
Аўтар — В.Каралёў
Рэжысёр-пастаноўшчык — А. Марчанка
✨ 5) Тэатральна-відовішчная ўстанова культуры «Кіеўскі акадэмічны тэатр «Залатыя вароты»
«Тата, ты мяне любіў?»
Аўтар — Д. Багаслаўскі
Рэжысёр-пастаноўшчык — С. Жыркоў
✨ 6) ПНУ «Камерны Драматычны тэатр» (г. Волагда)
Зонг-опера «Серэнада над далінай»
Па аповесці В.Быкава
Рэжысёр-пастаноўшчык — Я. Рубін
✨ 7) Незалежны тэатральны праект (г. Мінск)
«ГЭТА МЫ»
Аўтар — па кнізе А.Горвата
Рэжысёр-пастаноўшчык — С. Жыркоў
✨ 8) МАУК «Пермскі ТЮГ»
«Лондан»
Аўтар — М.Дасько
Рэжысёр-пастаноўшчык — М. Сакалоў
✨ 9) Дзяржаўная ўстанова «Заслужаны калектыў Рэспублікі Беларус «Рэспубліканскі тэатр беларускай драматургіі» (г. Мінск)
«Гэта ўсё яна»
Аўтар — А.Іваноў
Рэжысёр-пастаноўшчык — М. Дабраўлянска
✨ 10) Нацыянальны акадэмічны тэатр ім. Я.Купалы ( г.Мінск)
«Ураджай»
Аўтар — П.Пражко
Рэжысёр-пастаноўшчык — Д. Цішко
✨ 11) Рэспубліканскі тэатр беларускай драматургіі (г. Мінск)
«Сірожа»
Аўтар — Ю.Чарняўская
Рэжысёр-пастаноўшчык — А. Гарцуеў
✨ 12) УК «Магілёўскі абласны тэатр драмы і камедыі ім. В.І.Дуніна-Марцінкевіч (г. Бабруйск)
«Сіртакі»
Аўтар — В.Прусак
Рэжысёр-пастаноўшчык -Т. Траяновіч
? Таксама ў рамках пазаконкурснай праграмы фестывалю адбудзецца паказ спектакляў:
✨ 1) ДБУК KB «Калужскі абластны тэатр юнага гледача»
«Не пакідай мяне» А. Дударава
✨ 2) Тэатр Post (г.Санкт-Пецярбург)
«Два перстні» П. Пражко
✨ 3) Тэатр адэсскага разліву «Ланжеронъ»
«Моня» трагікамедыя па кнізе Э. Севелы «Моня Цацкес сцяганосец»
? У творчай лабараторыі прыме ўдзел:
✨ Грузінскі Дзяржаўны прафесійны драматычны тэатр горада Горы імя Георгія Эрыставі
«Ты знойдзеш Алicy пад старым снегам»
Аўтар — А.Іванюшанка
Рэжысёр-пастаноўшчык — Д. Чхарцішвілі
Фестываль нацыянальнай драматургіі — гэта магчымасць убачыць цікавь праекты і таленавітыя пастаноўкі, гэта знаёмства з творчасцю беларускіх аўтараў сучаснай і класічнай драматургіі, прыцягненне ў фестывальны працэс і супрацоўніцтва з беларускімі драматургамі ўсіх прафесійных тэатраў Беларусі і блізкага замежжа.
