Газета «Полымя» объявляет творческий конкурс для детей «Письмо Деду Морозу»

🎄 На парозе 2020 год, а гэта значыць, што пара загадваць жаданні і распавядаць пра іх Дзеду Марозу. Перад самым чароўным святам года газета «Полымя» аб’яўляе аб пачатку творчага конкурсу для дзяцей «Пісьмо Дзеду Марозу».

🎁 Дарагія рабяты! Рады прапанаваць вам напісаць пісьмо Дзеду Марозу і даслаць яго ў нашу рэдакцыю. Важная ўмова: абавязкова ў пісьме раскажыце пра добрыя справы, якія вы здзейснілі ў адыходзячым годзе. Напрыклад, выратавалі кацяня на вуліцы ці дапамагалі бабулі ў агародзе, атрымлівалі добрыя адзнакі, слухаліся маму і тату. Пра любы добры ўчынак пішыце Дзеду Марозу, парадуйце яго сваімі пазітыўнымі гісторыямі.

🎅 Дзядуля Мароз прачытае ўсе пасланні і паспрыяе іх публікацыі на сайце газеты «Полымя» polymia.by. Аўтары лепшых пісьмаў атрымаюць падарунак ад рэдакцыйных Дзеда Мароза і Снягуркі і фота на памяць.

❄ Пісьмы з указаннем кантактнага тэлефона трэба дасылаць па 20 снежня ўключна 2019 года на адрас: 231430 г.п. Карэлічы, пл. 17 Верасня, 7 з паметкай «На конкурс» або на электронную скрыню рэдакцыі: polymia@mail.grodno.by.

📝 Абавязкова пішыце! Дзед Мароз вельмі чакае!