В детском саду г.п. Мир состоялся фестиваль варенья
Варэнне есці кожны дзень
нам ні кропелькі не лень!
Цудоўная забава, прысвечаная штогадоваму фестывалю варэння, прайшла ў дзіцячым садку г.п. Мір. Сапраўды, хто ж не любіць гэты ласунак з духмяных ягад і садавіны!
Вядома ж, дзіцячае свята не абыйшлося без вясёлых гасцей: галоўнага спецыяліста па вырабу варэння — казачнай Машы і самага вядома ласуна ў росквіце сіл — Карлсана.
Карлсан і Маша падрыхтавалі для дзяцей шмат конкурсаў і гульняў. Маляты ўдзельнічалі ў танцавальнай размінцы “Вітамінкі з галінкі”, адгадвалі загадкі пра ягады і садавіну, гулялі ў гульні “Збяры ўраджай на варэнне”, “Ягада-садавіна-агародніна”, “З якога куста ягадка”, “Раз, два, тры, сваю ягадку бяры!”, праходзілі эстафеты з перашкодамі “Маленькія кухары: варым суп і кампот”, “Па лясныя ягадкі”, малявалі калектыўныя малюнкі “Гасцінцы да гарбаты”. Цікава прайшла “Ягадна-садавінавае дэфіле-прэзентацыя” – кожны выхаванец атрымаў какошнік з выявай ягады ці садавіны, якую павінен быў прэзентаваць, склаўшы пра яе невялікі аповед.
Разам з Машай пад вясёлую песню з любімага мультфільма дзеці ў вялікім рондалі варылі варэнне, якое пад чарадзейныя словы Карлсана ператварылася ў шмат разнастайных слоічкаў з салодкім пачастункам. Вельмі спадабалася выхаванцам дэгустацыя розных відаў варэння. Дзеці і самі пачаставаліся, і Мядзведзю ў лес праз Машу перадалі!
І канешне, у Дзень варэння на падвячорак дзяцей чакалі румяныя бліны з варэннем на розны густ!
Святлана ПЕТРЫМАН,
намеснік загадчыка па асноўнай дзейнасці
ДУА “Яслі-сад г.п. Мір”