Кореличский районный исполнительный комитет и районный Совет депутатов поздравляют с Днем работников культуры

Паважаныя работнікі культуры і ветэраны галіны!

Прыміце самыя цёплыя і шчырыя віншаванні з прафесійным святам — Днём работнікаў культуры!

Роля ўстаноў культуры і мастацтва ў грамадстве неацэнная. У іх, дзякуючы чулым і ўважлівым энтузіястам, захавана тое добрае, вечнае, мудрае, што абуджае ў сэрцах людзей пачуццё             цеплыні, міласэрнасці, любові.

Работнікам культуры даверана адна з самых высакародных місій на зямлі — несці людзям радасць, святло, напаўняць іх жыццё святочным настроем, даваць надзею і веру ў лепшае, захоўваць сувязь паміж пакаленнямі, нацыянальныя традыцыі.

У культурнай сферы раёна працуюць сапраўдныя прафесіяналы — таленавітыя, улюблёныя ў сваю справу і верныя свайму пакліканню людзі.

Няхай гэтае свята надасць вам новыя сілы і натхненне для далейшай творчай дзейнасці. Моцнага здароўя, шчасця і дабрабыту вам і вашым сем’ям.

Раённы выканаўчы камітэт

Раённы Савет дэпутатаў