Педагоги Кореличского района подвели итоги работы за 2021 год

04.03.2022 1177 Админ

Са справаздачай выступіла начальнік упраўлення адукацыі Карэліцкага раённага выканаўчага камітэта Ірына Асташэвіч. Ва ўмовах эпідэміялагічнай сітуацыі дастойна завершаны навучальны год і праведзена атэстацыя 1323 вучняў, 70,6% закончылі навучальны год на 5-10 балаў, 6,3 % — на 9-10, сярэдні бал паспяховасці склаў 7,13. 9 дзевяцікласнікаў атрымалі пасведчанні з адзнакай, адзін — пасведчанне аб спецыяльнай адукацыі, 10 выпускнікоў — атэстаты асаблівага ўзору з узнагародай залатым медалём. Павысіўся вынік удзелу выпускнікоў у цэнтралізаваным тэсціраванні. Вынікі паказалі, што паказчыкі па 10 вучэбных прадметах з 13 вышэй абласнога ўзроўню. Вынік паступлення выпускнікоў у вышэйшыя навучальныя ўстановы склаў (66,6%). Вынікам выканання задачы па прыцягненні выпускнікоў для паступлення на педагагічныя спецыяльнасці стала паступленне 5 (71,4%) выпускнікоў педкласа ДУА «СШ г.п. Мір імя Г. І. Сташэўскай» у вышэйшыя і сярэднія спецыяльныя ўстановы, з іх 1 — па мэтавым накіраванні, у цэлым па раёне — 13. Пабудавана мадэль прафесійнага навучання: 15,2% вучняў Х і ХІ класаў атрымліваюць прафесійную падрыхтоўку ў рамках прадмета «працоўнае навучанне» на базе Карэліцкага дзяржаўнага будаўнічага прафесійнага ліцэя.

Прымаліся неабходныя меры па забеспячэнні сацыяльнай абароны навучэнцаў. 73% вучням прадастаўляецца бясплатнае харчаванне за кошт сродкаў мясцовага бюджэту, для 12 вучняў арганізавана дыетычнае харчаванне. Усе вучні забяспечаны падвозам. Прадоўжылі работу 10 інфармацыйна-бібліятэчных цэнтраў, 18 груп падоўжанага дня. Рэалізаваны планавыя мерапрыемствы, прысвечаныя Году народнага адзінства. З мэтай эфектыўнай інфармацыйна-растлумачальнай работы з вучнёўскай моладдзю арганізавана работа дыялогавых пляцовак па актуальных пытаннях маладзёжнай праблематыкі для вучняў 8-11 класаў на базе ДУА «СШ № 1 г.п. Карэлічы», ДУА «СШ г.п. Мір імя Г. І. Сташэўскай», ДУА «СШ № 2 г.п. Карэлічы», ДУА «Цырынскі ВПК дзіцячы сад-сярэдняя школа», ДУА «Жухавіцкая сярэдняя школа». Якасна рэалізаваны рэспубліканскі праект «Школа Актыўнага Грамадзяніна». Дастойна прадстаўлена дзейнасць пошукавага атрада ДУА «СШ г.п. Мір імя Г. І. Сташэўскай» як на абласным, так і рэспубліканскім узроўнях у рамках рэспубліканскай патрыятычнай акцыі «Іх подзвіг у памяці нашчадкаў захаваем». Назіраецца станоўчая дынаміка ахопу цімураўскім і валанцёрскім рухам. Моладдзю ініцыяваны і падтрыманы абласныя акцыі «Зімовы час добрых спраў», «Клопат», «Ветэран жыве побач», «Цяпло нашых сэрцаў — вашым пражытым гадам», рэспубліканскія акцыі «Цуды на Каляды», «Нашы дзеці». Рэалізавана аўтарская ідэя распрацоўкі календара валанцёра атрада «Добрае сэрца» ДУА «Красненскі ВПК дзіцячы сад-сярэдняя школа». Павышана выніковасць удзелу раёна ў аглядзе-конкурсе дзіцячай творчасці «Добры дзень, мір!» (7 дыпломаў абласнога ўзроўню, адзін — рэспубліканскага).

У параўнанні з мінулым годам адзначаюцца станоўчыя тэндэнцыі ў арганізацыі аздараўлення: расшырэнне сеткі дзіцячых аздараўленчых лагераў, агульнае павелічэнне аб’ёмаў аздараўлення дзіцячых аздараўленчых лагераў па профілі, накіраванні дзейнасці, актывізацыя міжведамаснагага ўзаемадзеяння ў працэсе арганізацыі аздараўленчай кампаніі, змяшчэнне акцэнтаў у праграмах летняга аздараўлення ў накірунку грамадзянска-патрыятычнай, сацыяльна значымай дзейнасці. У выніку прайшлі аздараўленне 108% дзяцей і падлеткаў ад планавага задання, з іх — 10 дзяцей-інвалідаў, 61 дзіця з прыёмных і апякунскіх сем’яў, 24 дзіцяці, якія знаходзяцца ў сацыяльна небяспечным становішчы. Прадаўжалася работа па арганізацыі часовай працоўнай занятасці вучняў устаноў агульнай сярэдняй адкацыі ў перыяд летніх канікул з фінансаваннем за кошт сродкаў дзяржаўнага пазабюджэтнага фонду сацыяльнай абароны насельніцтва Рэспублікі Беларусь: для 100 падлеткаў з выдзяленнем на гэтыя мэты 19 317 рублёў. Прадаўжалася работа па ўмацаванні матэрыяльна-тэхнічнай базы і кіраванні фінансава-гаспадарчай дзейнасцю. Прыняты дадатковыя меры па замацаванні матэрыяльна-тэхнічнай базы для ўкаранення працэсаў інфарматызацыі ў кіруючую і педагагічную дзейнасць, якаснага выканання вучэбных праграм па інфарматыцы, матэматыцы. Для гэтых мэт зрасходавана больш за 97,3 тысячы рублёў. Ірына Валер’еўна адзначыла, што нягледзячы на эпідэміялагічную і эканамічную сітуацыі, сумесная старанная праца педагагічных работнікаў раёна дазволіла выканаць даведзеныя заданні, і заклікала ў далейшым не забываць пра якасць адукацыі. На нарадзе выступілі ўпраўляючы ДУ «Цэнтр для забеспячэння дзейнасці бюджэтных і іншых арганізацый Карэліцкага раёна» Іна Ахрэмка, дырэктар ДУА «Жухавіцкая сярэдняя школа» Ларыса Камера, загадчык ДУА «Дашкольны цэнтр развіцця дзіцяці г.п. Карэлічы» Аксана Дзівак.

Па выніках працы лепшымі ў педагагічнай дзейнасці прызнаны ДУА «Яслі-сад г.п. Мір», ДУА «Цырынскі ВПК дзіцячы сад — сярэдняя школа», ДУА «Сярэдняя школа г.п. Мір імя Г. І. Сташэўскай».

Старшыня Карэліцкай раённай арганізацыі Беларускага прафсаюза работнікаў адукацыі і навукі Ларыса Трафімчык узнагародзіла Ганаровымі граматамі дырэктара Карэліцкага карэкцыйна-развіваючага цэнтра Алену Ашманкевіч і дырэктара ДУА «Сярэдняя школа г.п. Мір імя Г. І. Сташэўскай» Таццяну Шаплыка. Намеснік старшыні Карэліцкага раённага выканаўчага камітэта Яўген Чычкан у сваёй прамове акцэнтаваў увагу прысутных на выбары вучнямі прафесій сельскагаспадарчага і педагагічнага накірункаў, гаварыў аб прымяненні на практыцы паездак у вну, дзе рыхтуюць гэтых спецыялістаў, для запрашэння на працу ў наш раён. На нарадзе слова трымала дырэктар Карэліцкага раённага цэнтра занятасці Наталля Гоцка, якая паведаміла аб другаснай занятасці вучняў у вольны ад вучобы час.