Прэзідэнт Рэспублікі Беларусь Аляксандр ЛУКАШЭНКА:
– Ініцыятыва ”Здаровыя гарады і пасёлкі” павінна перарасці ў маштабны дзяржаўны праект”.
Падчас Паслання беларускаму народу і Нацыянальнаму сходу,
Па выніках 2024 года рэспубліканскага конкурсу “Здаровыя гарады і пасёлкі» сярод 109 адміністрацыйна-тэрытарыяльных адзінак (населеных пунктаў) з усіх абласцей рэспублікі і г. Мінска ў намінацыі “Лепшае інфармацыйнае суправаджэнне праекта” сярод населеных пунктаў з колькасцю насельніцтва ад 5 001 да 10 000 чалавек I месца было прысуджана Карэліцкаму раённаму выканаўчаму камітэту.
Узнагароджанне пераможцаў адбылося 15 красавіка ў рамках мерапрыемстваў XXX Міжнароднага медыцынскага форуму “Ахова здароўя Беларусі-2025”. Былі вызначаны лепшыя ў шасці намінацыях, сярод якіх Карэліцкі раённы выканаўчы камітэт.
У цырымоніі ўзнагароджання прынялі ўдзел намеснік міністра – галоўны дзяржаўны санітарны ўрач Рэспублікі Беларусь Святлана Нячай, прадстаўнік Сусветнай арганізацыі аховы здароўя ў Рэспубліцы Беларусь Сяргей Дыярдзіца.
У Рэспубліцы Беларусь праект “Здаровыя гарады і пасёлкі” стартаваў у 2012 годзе. На Карэліччыне да яго ў 2019 годзе далучыўся г.п. Мір, а ў 2021 годзе – г.п. Карэлічы. Развіццё праекта прадугледжана ў дзяржаўнай праграме “Здароўе народа і дэмаграфічная бяспека” на 2021-2025 гады і накіравана на забеспячэнне здароўя насельніцтва.
Асноўныя яго напрамкі – гэта ўдасканаленне гарадскога планавання, стварэнне здароўезберагальнага асяроддзя ва ўстановах адукацыі, паляпшэнне ўмоў працы на працоўных месцах, скарачэнне спажывання тытуню і забеспячэнне эфектыўнай рэалізацыі антытытунёвага заканадаўства, павышэнне ўзроўню матывацыі да вядзення здаровага ладу жыцця, абарона здароўя дзяцей, падтрыманне інстытута сям’і, актыўнае даўгалецце, выяўленне найбольш цікавых, інавацыйных і эфектыўных падыходаў па інфармаванні насельніцтва і іх уключэнне ў яго рэалізацыю.
Як адзначыў галоўны ўрач Карэліцкага райЦГЭ Аляксандр Германюк, праект “Здаровыя гарады і пасёлкі” – гэта мадэль адносін паміж кіраўніцтвам населеных пунктаў, устаноў, грамадскіх аб’яднанняў і непасрэдна насельніцтвам у рамках сумеснай дзейнасці па паляпшэнні здароўя і асяроддзя пражывання. Здароўе залежыць не толькі ад узроўню і якасці аховы здароўя, палепшыць яго можна толькі ў выпадку мэтанакіраваных і скаардынаваных дзеянняў практычна ўсіх сектараў і ведамстваў, і вядома, пры непасрэдным удзеле жыхароў. Пры падвядзенні вынікаў конкурсу сельскія населеныя пункты, малыя гарады, гарадскія пасёлкі, гарады абласнога падпарадкавання або абласныя цэнтры ацэньваліся ў сваіх катэгорыях.
– Улічвалася ўсё: дэмаграфічны складальнік, гігіенічныя і эпідэміялагічныя паказчыкі, добраўпарадкаванне тэрыторый, наяўнасць веласіпедных дарожак, пляцовак для заняткаў спортам, уцягнутасць насельніцтва ў актыўны лад жыцця, выкарыстанне фізкультурна-аздараўленчых комплексаў, рэалізацыя праектаў у школах і арганізацыях раёна. Думаю, што перамога ў гэтым конкурсе агульная для ўсіх карэліччан. А летась прынятая ініцыятыва па правядзенні ў райцэнтры культурна-спартыўнага марафону “100 дзён здароўя”, які аб’яднаў 21 працоўны калектыў райцэнтра, адыграў выключную ролю і дазволіў нам падняцца на п’едэстал пераможцаў, – лічыць Аляксандр Уладзіміравіч.
Галоўны ўрач райЦГЭ перакананы, што гэты поспех стане стымулам для далейшага ўдзелу ў праекце і распаўсюджванні яго правільных ідэй сярод насельніцтва раёна.
Здаровыя гарады і пасёлкі не тыя, дзе ўсе здаровыя, а тыя, дзе змагаюцца за здароўе людзей, перш за ўсё ліквідуючы і зніжаючы ўзровень захворванняў, гвалту і дарожнага траўматызму.
Кацярына КУКАНАВА
