Евгений Чичкан рассказал учащимся Мирского государственного колледжа о Главном Законе Республики Беларусь
Напярэдадні Дня Канстытуцыі намеснік старшыні Карэліцкага райвыканкама старшыня Карэліцкага РА Беларускай партыі “Белая Русь” Яўген Чычкан сустрэўся з калектывам і навучэнцамі УА “Мірскі дзяржаўны каледж”.
— Канстытуцыя — гэта не толькі звод нормаў і правіл, якія рэгулююць правы і абавязкі грамадзян, — адзначыў Яўген Мікалаевіч. — Асноўны Закон краіны аб’ядноўвае пакаленні і дапамагае нашаму грамадству развівацца.
Расказваючы аб зменах, якія прайшлі ў краіне за больш чым трыццаць гадоў самастойнасці, Яўген Чычкан сказаў, што з кожным годам жыццё ў Беларусі паляпшаецца:
— Галоўнае, што за гэты час мы змаглі пабудаваць самастойную незалежную краіну. У Беларусі заўжды рады гасцям, мы гатовы наладжваць сяброўскія адносіны з усімі жадаючымі. Мы мірная краіна, але ў той жа час здольны абараніць сябе.
Таксама Яўген Мікалаевіч павіншаваў з перамогай у абласным конкурсе творчых работ “Я — заканадаўца” навучэнку другога курса Марыну Русак, якая атрымала першае месца ў намінацыі “Да 30-годдзя Канстытуцыі Рэспублікі Беларусь: з гэтага ўсё пачыналася”.