Новый чемпион Европы по версии ІВА Алексей Алфёров: «Готовлюсь к отборочному турниру на Олимпийские игры»
Трэцяга лютага ў Палацы спорту “Надзея” г. Серпухаў Расійскай Фэдэрацыі прайшоў першы турнір 2024 года з серыі “Ноч чэмпіёнаў ІВА”. Статус турніру падкрэсліваў рэспектабельны склад байцоў, якія выступалі на рынгу, узровень міжнароднай судзейскай брыгады.
У рынгсайдзе былі такія яркія асобы бокса, як Аляксандр Емяльяненка, Косця Цзю, Аляксандр Паветкін, Дзяніс Лебедзеў, Султан Ібрагімаў і многія іншыя знакамітыя спартсмены, а таксама прэзідэнт Міжнароднай федэрацыі бокса Умар Крамлёў і генеральны сакратар федэрацыі бокса Расіі Таццяна Кірыенка.
У баі за пояс чэмпіёна Еўропы па версіі IBA ў вагавой катэгорыі 80 кг змагаўся ўраджэнец Карэліцкага раёна Аляксей Алфёраў (Беларусь) і Арцём Агееў (Сербія). У гэтым паядынку наш баксёр не толькі атрымаў чарговую перамогу ў прафесійнай кар’еры, але і стаў чэмпіёнам Еўропы па версіі IBA ў вазе да 80 кг.
– Падрыхтоўка да спаборніцтваў пачалася ў снежні 2023 года. Адразу прайшоў спартыўныя зборы ў гарах Эльбруса, на якіх прабылі тры тыдні. Пасля быў невялікі адпачынак. Потым зноў напружаная праца ў горадзе Гродна з асабістым трэнерам Аляксеем Аляксандравічам Волчанам. На бой настройваўся сур’ёзна. Хацеў прайсці ўсю дыстанцыю, таму што рыхтаваўся да яе як фізічна, так і маральна. Але бокс ёсць бокс – і траўмы здараюцца, што здарылася і з маім сапернікам. Вельмі ганарова ў такіх сур’ёзных спаборніцтвах у сваёй катэгорыі атрымаць тытул чэмпіёна Еўропы, – у тэлефоннай гутарцы падзяліўся Аляксей Алфёраў.
Вярнуўшыся са спаборніцтваў, юнак працягвае актыўна трэніравацца: у лютым – зборы з нацыянальнай камандай Беларусі перад адборачным турнірам на Алімпійскія гульні, якія пройдуць у Мілане з 4 па 12 сакавіка.
Спартсмен не зацыкліваецца на здабытых трафеях. Усе паясы не заваяваныя, ёсць куды расці, каб залатымі літарамі ўпісаць сваё імя ў гісторыю прафесійнага бокса.
Кацярына КУКАНАВА
Фота з архіва Аляксея Алфёрава
